Падтрымаць каманду Люстэрка
Беларусы на вайне
  1. «Не думаю, что кто-то понесется кого-то спасать». Как сами американцы относятся к позиции Трампа по Украине — спросили беларусов в США
  2. «Его продукция была обнаружена на поле боя». Под санкции ЕС попало госпредприятие, которое недавно посещал Лукашенко
  3. «Они никуда не денутся, понимаете?» Третья годовщина «полномасштабки» — взгляд на «мир» с Россией и политику Трампа командира на фронте
  4. Путина, похоже, не смущает идея дальнейшего затягивания войны. Эксперты привели доказательства
  5. Генассамблея ООН приняла резолюцию к годовщине полномасштабного вторжения РФ в Украину. Беларусь и США проголосовали против
  6. Эксперт рассказал, кто в Беларуси пострадает от отмены санкций против России. Об этом забеспокоился и Лукашенко
  7. «Крест Евфросинии Полоцкой, печать Изяслава». В Литве призвали запретить беларусам использовать «Погоню» и предложили выбрать иной символ
  8. Время дешевого доллара еще не прошло? Сколько будет падать курс: прогноз по валютам
  9. Похоже, что у Лукашенко внебрачных детей не меньше, чем законных. А как обстоят дела у его коллег-диктаторов?
  10. Лукашенко намекнул, кто останется работать в правительстве, а чьи кандидатуры «подлежат рассмотрению»
  11. Нацбанк принял решение, которое не порадует тех, кто собирается взять кредит на покупку недвижимости
  12. У Расіі гучны скандал з пластычным хірургам з Беларусі — яе статусная пацыентка амаль аслепла пасля шэраговай аперацыі
  13. Беларусы жаловались, что не могут сдать старые доллары. В соседней стране признали, что банкам они не нужны
  14. Ровно три года Россия пытается захватить Украину. Вспоминаем семь важнейших событий, повлиявших на ход этой войны
Читать по-русски


Следчы камітэт завяршыў спецвытворчасць у дачыненні да дырэктара ТАА «Жылбудкамплект» Іллі Волаха, які фігуруе ў гучнай справе з недабудаваным ЖК «Грушаўскі пасад» у Мінску. Сам мужчына жыве ў Польшчы і ўжо прыняў грамадзянства, экстрадыяваць яго польскі бок адмовіўся, паведамілі ў ведамстве.

Заснавальнік ТАА «Жылбудкамплект» Ілля Волах. Фота: t.me/specprosk

Прадпрымальнік абвінавачваецца ў наўмысным банкруцтве і злоўжыванні службовымі паўнамоцтвамі. Паводле версіі следства, Ілля Волах нанёс «велізарную маёмасную шкоду дольшчыкам падчас будаўніцтва дамоў жылога комплексу „Грушаўскі пасад“».

Сцвярджаецца, што цягам чатырох гадоў — з 2016-га да 2020-га — Волах заключаў пагадненні на будаўніцтва жылых і нежылых памяшканняў і дамовы куплі-продажу жыллёвых аблігацый ТАА «Жылбудкамплект», аднак частку атрыманых грошай выдаткоўваў на мэты, ніяк не звязаныя з будаўніцтвам.

Удалося высветліць, што забудоўшчык прыцягнуў па працэнтных і жыллёвых аблігацыях больш за 58 мільёнаў рублёў, якіх цалкам хапала для ўзвядзення аб’екта нерухомасці. Аднак каля 24 мільёнаў рублёў ён патраціў на зусім іншыя мэты.

«Больш за мільён рублёў выдаткавана Волахам на будаўніцтва дома ў Кобрыне і куплю дарагіх аўтамабіляў для сябе і жонкі, і каля 3 мільёнаў — на будаўніцтва базы адпачынку „Лясная гавань“. Іншыя грашовыя сродкі выдаткоўваліся абвінавачаным на куплю прадметаў раскошы, асабістыя патрэбы, разгульны лад жыцця, адпачынак у дарагіх установах, набыццё аб’ектаў нерухомасці», — расказалі ў СК.

Высветлілася таксама, што дырэктар кампаніі здзейсніў злачынства не адзін, а разам са сваім падначаленым — намеснікам дырэктара па фінансах Аляксеем Зайцавым. Той атрымліваў ад Волаха «бонусы» ў выглядзе павышаных акладаў, нерухомасці, дарагога службовага аўтамабіля, а яго аклад мог дасягаць 9 тысяч рублёў у месяц. Цяпер Зайцаў знаходзіцца пад вартай.

Іллю Волаха абвінавачваюць па ч. 2 арт. 240 КК (Наўмыснае павелічэнне неплацежаздольнасці юрыдычнай асобы, якое пацягнула нанясенне шкоды ў асабліва буйным памеры) і ч. 3 арт. 424 КК (Злоўжыванне службовымі паўнамоцтвамі). Матэрыялы справы перададзеныя пракурору для накіравання ў суд.

Усяго ў межах крымінальнай справы ўстаноўленыя 430 пацярпелых і 5 прадпрыемстваў, якім дырэктар таварыства сваімі дзеяннямі нанёс шкоду на агульную суму больш чым 58 мільёнаў рублёў.

На маёмасць абвінавачаных і членаў іх сем’яў на агульную суму больш чым 21 мільён рублёў накладзены арышт.

Сам Волах з’ехаў у Польшчу, пасяліўся ў Варшаве і ўжо атрымаў польскае грамадзянства. Беларусь паспрабавала дамагчыся яго экстрадыцыі, аднак польскі бок адмовіўся гэта рабіць.

«Нягледзячы на тое, што ад злачынных дзеянняў абвінавачанага пацярпелі 430 грамадзян, якіх апошні пазбавіў не толькі жылля, але і грошай, згодна з адказам акруговай пракуратуры ў Варшаве, Рэспубліцы Беларусь адмоўлена ў выкананні просьбы пра выдачу, бо гэта „супярэчыць прынцыпам права Польшчы“», — сцвярджаюць у СК.

«Грушаўскі пасад». 2023 год. Фота: Realt.by

Як развівалася сітуацыя з «Грушаўскім пасадам»

«Грушаўскі пасад» ля станцыі метро «Грушаўка» «Жылбудкамплект» пачынаў будаваць больш за дзесяць гадоў таму. У ЖК мусілі ўвайсці чатыры каркасна-блокавыя вышынныя дамы ад 18 да 23 паверхаў. Першыя два дамы здалі ў 2014−2015 гадах, трэці будавалі павольна, а ў 2020 годзе будоўля спынілася, і трэці дом не паспелі скончыць, а чацвёрты — пачаць. Забудоўшчык Ілля Волах з’ехаў у Польшчу, у Беларусі супраць яго распачалі крымінальную справу.

Увосень 2021-га выйшаў указ № 347 «Аб завяршэнні будаўніцтва жылых дамоў», які мусіў абараніць інтарэсы ўладальнікаў жыллёвых аблігацый, што не атрымалі сваіх кватэр. Дабудоўваць дамы ўзяліся іншыя арганізацыі. Праектавальнікам выступіў «Белдзяржпраект», генпадрадчыкам — «Будтрэст № 4», а замоўцам — УКБ «Захад». За тое, што УКБ дабудуе аб’ект, у якасці кампенсацыі яму паабяцалі пляцоўку для будаўніцтва яшчэ аднаго дома — на месцы недабудаванага паркінга ў Брылевічах.