У Мінску 18 снежня прэзентавалі прамы авіярэйс, які звяжа беларускую сталіцу з кітайскім востравам Хайнань, паведаміў Рэспубліканскі саюз тураператараў.
Старт рэгулярнага рэйса Санья — Мінск запланаваны меркавана на 16−20 студзеня наступнага года. Палёты будуць ажыццяўляцца два разы на тыдзень, у аўторкі і суботы. Турыстаў на курорт будзе дастаўляць борт Аэрабус А330 авіякампаніі Beijing Capital Airlines.
Хайнань — самы паўднёвы востраў у Кітаі, курортная сталіца краіны. Рэйс, на думку аператараў, будзе карыстацца попытам у турыстаў.
Віза для наведвання Хайнаня беларусам не патрэбная: да 30 дзён запар можна спакойна знаходзіцца на востраве без якіх-кольвек турыстычных дакументаў. Прычым цягам года можна наведваць курорт без візы тройчы.
У кастрычніку Onliner пісаў, што цэны на адпачынак на кітайскім курорце супастаўныя са звыклымі нам Егіптам і Турцыяй. Паводле звестак сайта Turmarket.by, самы бюджэтны адпачынак на сем начэй у трохзоркавым гатэлі на востраве Хайнань абыдзецца ў 4160 рублёў на дваіх са сняданкам. Вылет — 8 студзеня.
Чытайце таксама
