Пасажырскі самалёт паўднёвакарэйскай авіякампаніі Jeju Air сутыкнуўся з такой самай няспраўнасцю шасі, як і ў рэйса, што напярэдадні пацярпеў крушэнне, паведамляе Yonhap са спасылкай на крыніцы ў галіне.
Адзначаецца, што экіпаж самалёта Jeju Air, які вылецеў з міжнароднага аэрапорта Кімпхо ў напрамку Чэджу ў 06.37, выявіў праблему з шасі неўзабаве пасля ўзлёту.
Авіякампанія паведаміла 161 пасажыру пра механічную няспраўнасць, выкліканую праблемай з шасі, і вярнула рэйс у Кімпхо ў 07.25.
Вярнуўся самалёт Boeing B737−800. Такі самы самалёт пацярпеў крушэнне за дзень да гэтага. У парку Jeju Air 39 самалётаў гэтай мадэлі 41.
Нагадаем, напярэдадні разбіўся Boeing 737−800 авіякампаніі Jeju Air, які ляцеў з Бангкока ў Муан. Самалёт прызямліўся, не выпусціўшы шасі. Пасля такой пасадкі паветранае судна праслізгала па пасадачнай паласе, урэзалася ў загароду аэрапорта, выбухнула і загарэлася.
Улады Паўднёвай Карэі афіцыйна пацвердзілі смерць 179 чалавек. Практычна ўсе пасажыры былі карэйцамі, за выключэннем двух грамадзян Тайланда. Выратаваць удалося толькі двух чалавек — аднаго пасажыра і сцюардэсу. Іх жыццю нічога не пагражае.
